ترانيم ترانيم ترانيم
رح ضل أكتب حب
لينطفي هالقلب
وتخلص وراق العمر
وتفضى خوابي العطر
وتدبل كمام الزهر
***
وشو نفع إيامي
وجنون أحلامي
وحيي وإلهامي
ان ما قدرت أترك يوم
كلمة بهالدفتر
تقلك تذكّر :
الحروف و الكلمات
هني شموع الدرب
ياما بهالكلمات
خبيت غنيّات
أسرار وحكايات
رشيتها بالكون
وكتبت عنواني :
هوّي جنون القلب
لا مذهب ولا حزب
بكرا إذا فلّيت
شي يوم عالسكّيت
وتركت أهل وبيت
بيبقى صدى صوتي
بصمة بعد موتي
تيخبرو للرب
كيف العمر كلّو
ضليت أكتب حب
* هديّة الفنانة سحر الحواصلي *
*ثناء درويش*
والله جميل يا جميل كلمات رائعة تتناغم مع القلب ….وكل عام وأنتم بخير
والله جميل يا جميل
كلمات رائعة تتناغم مع القلب ….وكل عام وأنتم بخير