Author Information
زريفية.. ابتسام/مريم/ إياد حياتلة/ الأشهب
Folder:
قافية للإخوة
ابتسام مصطفى
ويا زريف الطول يا إبن القسامْ
امْرابطْ في أرضَك عينك ما بتنام
تآمروا عليك وخانوك اللئام
ويا عيني عليك واقف لحالك
*
يا زريف الطول يا حامي بلادي
راحوا لشارون , باسوا الأيادي
صاروا خْوان الدرب لهالاعادي
خانوا هالاوطان , وباعوا دِيَارك
*
يا زريف الطول يا إبنِ الأحرارْ
ما تهاب العدا , كمّل المشوارْ
سلطة ووقائي وزمرة هالأشرارْ
"دحلان العميل" و"يوسف" جينالك
*
يا زريف الطول إعلن في المدى
صواريخ القسامْ بتغيظ العدى
وعَ رْجالك حماس ما بيقدر حدا
طاردنا شارون , بوشٍ عقبالك
*
مريم العموري
يا زريف الطول شاهد عللي صـار
شو بدّك في الخانع.. منُّو للقّهـارْ
احمل هالبـارودة ودوِّر عالثـوّارْ
وعلى دروب الفِـدا مانتـا لحالـك
***
يا زريف الطول من سهل ومن واد
أنا من حَلَب..وانتـا مـن سلـوادْ
عيني عالفلّوجة وعينك عا بغـداد
ومن شرقه ومن غربه انْردّدْ موّالك
***
يا زريـف الطـول لـفِّ الكوفيّـة
أولاد الشهيـد ابـدمّـك خَطـيَّـة
طلّع من عينيـن ال يتّمهـم ديّـة
يخسى لستعمـار وتسلـم أفعالـك
***
يا زريف الطـول يابـو الشبابـي
ما ايهمّك لو قالوا عنّـك إرهابـي
لو سادوا البريّـة بْقانـون الغـابِ
لا اتحيّد عن حقك شو ما يجرالـك
**********
إياد حياتلة
يا زريف الطول يا ابن المخيّمْ
عاكتفك قسّام إهجـم وتقـدّمْ
شوف إبن صهيون منّك يتألّمْ
ويْعوفِ لِبلاد ويهرب مِ قْبالكْ
*
يا زريف الطول وعالجبهة واقفْ
مايهاب الردّى أبدا مش خايـفْ
والفَجِرْ يا زريف بعيونك شايفْ
نَصِر يا استشهاد ماحْلى آمالـكْ
*
يا زريف الطول يا ماحلى الزجلْ
من مريم يكون أحلى من العسلْ
لا تنسى فلسطين لو مهما حصلْ
خليّها عاطول بقلبـكْ وبْبالـكْ
*
يا زريف الطول امْغرَّب عـا لِبْـلادْ
عا روس الجِبال ومن وادي لَـوادْ
عينك على القدسْ وحيّ على الجهادْ
وكل شي يا أقصى بيرخصْ كرمالكْ
*
يا زريف الطول ولاطي تحت التلْ
والمجرم شارون منّك عقلو اختلْ
والنصر مضمون إسمع يا محتلْ
بإيدين الشباب قبـر حفرنالـكْ
*
يا زريف الطول وياسر مع بيان
شروق ومريم وزهرة بيلسـان
مع قرة العين وأبو عاطف كمان
إلتمّوا الجميـع يغنـوا موّالـك
*
يا زريف الطول مرابط على المـيّ
تيْصدّ العدوان مع شبـاب الحـيّ
مهما طال الليل لازم ييجي الضـيّ
والشّمس تطلع عسهولك وتلالـكْ
*
يا زريف الطول مشنشل بِ لِسلاحْ
ما يِهاب الموت لو كثروا الجـراحْ
إبشر يا زريف نـور الفجـر لاحْ
والفرح بيْشّع من عيون اطْفالـكْ
*
يا زريف الطول يابِـن فلسطيـن
عا درب الشهدا رنتيسي وياسيـن
عيّاش وصلاح وبو شنب اسماعين
تسلم يـا وطـن ماكْثَـرْ ابطالـكْ
*
يا زريف الطول وكرَّتْ السّبحهْ
والْتمّوا لِحْباب على هالصفحهْ
ربّي يا كريم تكَمِّـل الفرحـهْ
بتحرير الأوطان إحنا فدوالـكْ
*
يا زريف الطول لا تِروح بعيـدْ
عاكتفك رشاش بيـدك بواريـدْ
واسمع يا زريف صوت الزغاريدْ
والشعب فرحان علـى أفعالـكْ
*
يا زريف الطول واسمع يا شهيدْ
حرّرنـا غـزّة والنصـر أكيـدْ
بكره الإنسحاب بكره يوم العيـدْ
وبعرس التحرير والله اشتقنالـكْ
*
يا زريف الطول ويا إبـن غـزّه
أبـوك الفـدا وإمّـك الـعّـزه
وأعصابو شارون منّك مهتـزّه
بينـام وبيقـوم يحلـم بخيالـكْ
*************
الأشهب
ويا زريف الطول يا طويل العُمر
بيكفّي تشريد وتعذيب وقهر ..
بكرَة دِنيِتنا بِتخلّف زهـِـــر ..
ويِرجَع الوطن بــايدين ولادك..
*
ويا زريف الطول يا امروّح عالدار
عَ دار العزة .. يا بلاد الأحرار ..
يا شبل عكا وصلاح المغوار
جايينك بورود ..... تمشي قُدامك
*
يا زريف الطول تع واسمع مني
ياسر عزامِ .....همك من همي
بلادك بلادي ومن دمك دمي
يحرم عليي... ..سيبك لحالك
*
ويا زريف الطول سحّج يا ياسر
يمّا اليهودي ع راسه عافر
اتوكّل على الله وجيب البشاير
وولادك سباع ما شا الله حولك
