Author Information
HIERDIE ROOS
Kyk die Koninklike; hierdie Roos
Koningin van Koninginne:
hierdie teenstryd van emosie
teerheid en hartstog gekring
rondom die stam van hunkering
en van drome
Kyk die Romanse; hierdie Roos
Gedig van Gedigte:
hierdie ewigdurende liefde gebore
te midde van die kruisigende doring
luister na haar geurige gesprek
na die ritme wat sy wek
Kyk die Belofte; hierdie Roos
Uitnodiging van Uitnodigings:
hierdie geheimsinnige seël van siele
wat ontvou sonder roering
gevange deur die betowering
van suiwere verbeelding
Kyk die Koninklike; hierdie Roos
betree die Koninkryk
van haar hart
