Author Information
تخبّا بقلبي
Folder:
سرب يمام
يتخبا بقلبي منيح
برا الدني طوفان
و مافي سفينة نوح
و الريح عم تعوي
متل ديب الجريح
شو كنست أحلام
و شو فرفطت أيام
و شو كسرت بجنونها مراجيح
و العتم غطى هالمرايا و الصور
نازل بسكين الظلم تدبيح
ووحدي انا وياك
بي هالجرد
اللي تجرد من الحب
لا ريحة الطرخون عم بتهل
ولا عاد اخضر
لونك يا شجرة شيح
تخبا بقلبي منيح
و لا عاد تبكي ياحلو و تصيح
مافي حدا رح يسمعك
مابين صوت الولولة
ومابين عنف المرجلة
صرنا بكف الريح
و المسخره
انو الأرض ذره
و معلقة بالجو
لا جار عم بيجيرنا
بوسع المجرة
و لا تجسدت من جديد فينا الروح
تخبا بقلبي منيح
يل ناطر من بين هالموتى
قيامة مسيح
و لا تخاف
رح سكر بوابي
و ارمي بقلب ألله
رزمة مفاتيح
