ترانيم ترانيم ترانيم
نحنا صنعنا الصدفة
بالشوق وباللهفة
بالحب ال عم يكبر
جوانا ويتحرر
ويزهر حروف
بالإيد وع الشّفة
***
بإيدين ال بتلوّح
للجايي من بعيد
بالنوايا البيضا
تخلي العمر عيد
بإيمان وتسليم
من الأحزان بيشفي
لولا انت ندهت
أنا ما كنت سمعت
ولولا الباب فتحت
أنا ما كنت دخلت
ولولا هوّ رب
كيف بتكون عبد
ولولا في بحر
ما بتكون الضّفة
تتقدس الصدفة
اللي بتجمع القلوب
وباسم المحبة
بتوحد الدروب
هيدي منّا صدفة
هي وعد ومكتوب
ولو قلتلي بحبك
رح قلّك بيكفي
* هديّة الفنان حيدر الياسري *
*ثناء درويش*
