Author Information
عيد ميلاد محمد ٢٠٢٠
Folder:
معايدات
م
ماسك بإيدو شمعتو و ماشي
متل ال كأن يا فرحتو فراشه
مره ع ضو القلب بتدوري
مره بقلب الضو تتلاشي
ح
حراس هالشمعه كانو تنين
حب وصلا ضلو وشم ع جبين
حبسوه جوا الحلم تا تكبر
حكاية حلم انرسمت بريف العين
م
من شمعتو ضوا قصايد شعر
من لهفتو عمّر بشعرو قصر
مكتوب اسمو بالسما محمد
متلو انكتب عالأرض يبقا حر
د
درب السلامه يا ضنا أمك
دموعي انا ضحكه على تمك
دورت عَ كلمه بيوم العيد
داب الحكي ع صدر بيضمك
