Author Information
عيد ميلاد ضحى ٢٠٢١
Folder:
معايدات
مبارح
من أربعه .. وفوقهن عشرين
حبّني ألله
بحضني رمى جنّه
وفتّح عطر وعرّش الياسمين
وال حبّهن الله
بيصيرو بحبو كلهن حلوين
وقالو البنت شو طالعه لإمّا
حتى الاسم شمسو
من سنا إسما
والكل بدو يحملا.. يضمّا
ورفّت فراشة نور بقلبي
وكانون صار بطلّتا بساتين
وكرج العمر
ما عرفت كيف مرت هالسنين
لقيتك قمر ضاوي
قلب وعقل عالخير متفقين
تقلك ايام الحلا
استني علينا شوي
نحنا الك.. وهلأ عالدرب جايين
