Author Information
حلمو يبقا رسام
Folder:
أغاني للأطفال
قال حلمو يبقا فنان
في معو علبة ألوان
دايما داير هون وهون
عم بيشخبط عالحيطان
عالبرّاد رسم سنجاب
عالأرض أرنب وحصان
وسياره كبيره عالباب
وعالشبّاك لوّن بستان
اللازمة
بس أكبر أنا بدي صير
انشالله رسام كبير
لوحاتي بكل العالم
واسمي رح يبقا مشهور
***
وسّخ تيابو الحلوين
بالألوان المائية
وصار وشّو وصابيعو
متل اللوحه الفنّية
ال بابا بعيد ميلادو
جبلو مرسم هديه
وعلبة ألوان جديدة
وقلّو هي العيدية
اللازمة
بس أكبر أنا بدي صير
انشالله رسام كبير
لوحاتي بكل العالم
واسمي رح يبقا مشهور
***
وجاب معو سطل دهان
مع الميّه والصابون
ما عاد في شخبطه عالحيط
والبيت انضف ما يكون
بلوحاتو عم يشارك
بكل معارض مدرستو
بيفرح لو قالو فنان
ومن تشجيع معلمتو
