Author Information
لازم نسمع كلمة بابا
Folder:
أغاني للأطفال
سيلينا يا بنتي
أهلا بابا
الدنيا عم تشتي
اي بابا
جاكيتك ما لبستي
لا بابا
شوفي كيف بردتي
اسفه بابا
روحي يا شتويه
وتعي يا صيفيه
ويا شمس الشموسه
طلّي علينا شويه
ع بالا سيلينا
تلعب بحرّيه
سيلينا يا بنتي
أهلا بابا
تحت الشمس لعبتي؟
اي بابا
الطاقيه ما لبستي؟
لا بابا
شوفي كيف عرقتي
اسفه بابا
رح تسمعي الكلمه
لو بابا قلك بس
حتى ما تمرضي
او تأذيكي الشمس
كلمة بابا بتبقى
نصيحه أو درس
سيلينا وين انتي
اي بابا
الشوكولا أكلتي؟
لا بابا
عليي كذبتي؟
لا بابا
فتحي تمّك بنتي
اسفه بابا
يا بابا ما بيصير
نكذب ولا مرّه
واسنانك الحلوه
الشوكولا بتضرا
للصحه ضروري
الفواكه والخضرا
