Author Information
طيّارة ورق
طيّارة ورق
..
يا حلوات ويا حلوين .. بعدتوا بالطيّـارة وين؟
قالوا إحنا بْقلب الورده .. من هالبرد مْخبّــايين
..
لا تطيروا مع العصفورة .. بْخاف اضّيعوا بهالمعمورة
قالوا ماما السمــا إلنا .. بْغيماتا وشمساتا ونورَه
..
هالبحر كْبير وعمْ يُهدُر .. دوّبْ ضحكتكُنْ هالسّكر
قالوا البحر مواجو نغَمة .. بتغنّي معنا وبتكركرْ
..
بس ابعدتو عني كتير .. وروحي وراكُن بتطير
إوعو من الديبة يا زغاري .. غدّارة وقلبا شرير
..
ما بتسترجي هالمكّارة .. تقرّب يا ماما من الحارة
والهوا معنا بيحرسنا.. وما بتفلُت منا الطيّارة
ما بتفلت منا الطيّارة
..
مريم العموري
