PostPoems Be Artistic. Be Creative. Be Inspired!

يا زريف الطول هَيِّ السُّلافة

دَهْلَزْها السِّكْناجي وابو لٍكْرافة

عا وَطنّا ساطي.. واحنا عَ حْفافا

نِترجّى اِلْ ما يسوى.. ييجي يعطينا

..

يا زريف الطول.. ألله فوق يعين

إلّلي من بَرّة والّلي من فَلسطين

مش داري يلقوها -يا عيني- من وين؟

من هَلّلي بيطَبِّع.. والّا البالينا

..

يا زريف الطول ظلّك ع يَمّي

مشتاقة وَنيسي.. ينسّيني همّي

من كاسك شَرِّبني وهَدّيلي دمّي

وخَلّي الليلة تِخمَر على حْلامينا

..

يا زريف الطول.. لا تِحْسَبني حِيد

عن رُوح اللي راحوا.. وشُورِ البَوَاريد

بسْ حالي من حالك.. شو ظايل في الإيد

غير شويّة أمل يشفقْ علينا

مريم العموري

_______

دهلزها: لفقها. السكناج: اليهود الأشكناز مبتدعو الصهيونية القتلة. أبو لكرافة: ربطة العنق، الغربي الأجنبي. ساطي: سارق. حفافه: أطرافه. البالينا: ال يبلونا. يمي: جنبي. حيد: أحيد. شور: مشورة