Author Information
DAGDROOM
die riete roer:
'n syïge deurgly
van die siel
wat spoed jy, siel?
die pyn
het my uitgedryf
wat van jou nagelate lyf?
sy wag
en spruit tevrede
nuwe riete:
volkome droom- en klankdeurtrokke
wat is jou bedoeling, siel?
ek is geklee
met bundels lig:
ek skattejag
die Dag
Baie mooi maar ek kan nie se hoekom nie. Dis 'n troos dat alhoewel ons gewone mense nie naby die digter se letterkundige, filosofiese en metafisiese vlak kan kom nie, die resultaat van haar werk mooi bly.