Author Information
STILTE IS STIL
stilte is stil
sonder see:
die see se stilte
sus en sus
met die magiese streel
van ou legendes
en die stilte sê: "sing"
en die stilte sê: "rus"
stilte is stil
sonder see:
die vlaktes se stilte
klink nie
die sagte sugte
van die Onbekende
word slegs verbeel
uit die swye van Niks
en die sterre sê: "kyk"
en die stilte sê: "stil"
en die reisiger luister
na Niks
Baie raak. Ek ry self baie deur die Karoo, en ek geniet elke keer hierdie "verlatenheid" en stilte.
Myra Ek het al baie myself probeer indink om 'n bokkie of 'n hasie te wees en daar op daardie vlaktes te woon... 'n Ver gedig. So nostalgies. Groetnis Donkerman