Author Information
الورده ديا لمين ؟
Folder:
قصائد بالعامية المصرية
الوردة ديا لمين ؟
مليان يا زهر حنين
جبت الربيع وياك
أنا قلبي لسه هناك
يا أحلي م الياسمين
يا زهرة النسرين
في القلب مغروسه
تستاهلي ميت بوسه
قلبي معاكي عريس
يا حبيبه وعروسه
زهر الغرام نبت
روحي للندا لبت
م العين محروسه
يا حبيبتي يا نوسه
وف يوم ميلاد حبنا
صبح الوجود بساتين
يا زهرة النسرين
القلب ليكي مشدود
بيعدي أي حدود
ف يوم ميلاد عشقنا
صدفه أو مقصود ؟
أو كان ميعاد موعود ؟
يومها إتقابلنا صحيح
وإحنا من المجاريح
قلنا بشكل صريح
وقمرنا وسط الليل
ونجومه علينا شهود
صبح الفرح .. فرحين
يا زهرة النسرين
