PostPoems Be Artistic. Be Creative. Be Inspired!

متأسفه خالص

وبشده أعتذر

يا بو الهوي الكداب



موش هقدر خالص

وياك أستمر

خلاص قفلت الباب



قلبي بيترجي منك

تقبل إعتذاري

مضطرة ف بعدي عنك

وكفاية عليا ناري

ولا عدت أقدر أحبك

وأعذرني ف إضطراري

متأسفه خالص





ليه تخدعني ف هوايا

وتفوتني ليه شريده

تكدب وإنت معايا

وتقولي كدبه بيضا

تقتل حلمي وهنايا

والضحكة العريضه

متأسفه خالص





موش هقبل إعتذارك

وكفايه م الخداع

أدي كدبك والنهايه

الحب بينا ضاع

مضطرة أودعك

وأنا راضية بالوداع

متأسفه خالص





أسفي عليك يا قلبي

علي حبك إللي راح

موش ذنبك ولا ذنبي

بكره ييجي الصباح

تطلع شمسك وشمسي

بكره ننسي الجراح

متأسفه خالص