PostPoems Be Artistic. Be Creative. Be Inspired!

مره قابلته زمان

الواد الجنتلمان

مقدرتش ع الكتمان

وكذلك هو كمان

مع إنه جنتلمان



طلعني فوق ف العالي

دوقني شهد حنانه

ونجوم الليل بتلالي

وراني الهوي وجنانه

وقمرنا فضل سهران

الواد الجنتلمان





طير قلبي م الفرحه

والروح نامت ف إيديه

رموشه خطيرة وجارحه

خلاني أدوب ف عينيه

والقلب معاه فرحان

الواد الجنتلمان





جنني بنظرة عينه

مشتاقه إليه علي طول

الحب ما بيني وبينه

له ألف دليل ورسول

وراني الهوي ألوان

الواد الجنتلمان





أظهر إعجابه فورا

علي طول خدني ومرجحني

وشقاوتي عجبته جدا

مهما أتشاقي يريحني

ونسيت طعم الحرمان

لإنه جنتلمان





لكن مغرور ف هواه

وفاكرني موش هستغني

ولا فيش ف الدنيا سواه

وف إيده لوحده الجنه

وأكيد هو الخسران

الواد الجنتلمان



جننته برقصي وهوسي

سلم من أول جوله

وشغلت خياله بهمسي

أساليبي غير متداوله

وغروره فيه شمتان

الواد الجنتلمان



أصل الهوي دا مملكتي

علي عرشه قلبي إتربع

والجنتل ييجي دلوقتي

يتجرأ كدا .. يتشجع

موش هيبطل دوران

الواد الجنتلمان