Home

يا غرامي وهوايا .. عبدالله عبداللطيف

Folder: 
من الشعر الغنائي








أصحي أفكر فيك

وأنام أحلم بيك

وألاقيني ف عينيك

ماشي وإنت معايا



أفضل أطوف حواليك

إيدي تبات ف إيديك

وألاقيني وألاقيك

أحلي قمر ف سمايا



وف جواباتك أقرا

مهما يكون أو يجري

أقراها ميت مره

ما هي يا روحي دوايا





وأقابلك وأحكي لك

وعينيه تغني لك

من قلبي أنادي لك

يا سبب كل هنايا



ولا مرة أنساك

دا أنا روحي ف هواك

وألاقيني وأنا وياك

بنسي كل آسايا



وأروح لك وتجيني

يا حبيب روحي وعيني

حبك دا مهنيني

وياه بنسي شقايا



أصلك إنت حياتي

الماضي والآتي

يا منسيني آهاتي

يا غرامي يا هوايا

View abdalla_lawer's Full Portfolio
  • Login to post comments
  • 306 reads

last updated 10 October 2010 - 8:57pm
©6 September 2004 - 10:52pm — abdalla_lawer