Author Information
رسمت حلمي ع الورق
Folder:
من الشعر الغنائي
رسمت حلمي ع الورق
بحس عمري بينسرق
وأمد إيدي أنجد غريق
ألاقي قلبي إللي غرق
رسمت حلمي ع الورق
يا كلمتي .. يا بنت الأنين
يا غنوتي .. يا لحني الحزين
يا غربتي .. يا طول السنين
يا ليلي .. يا للي ما انتهي
يا نهاري .. إللي ما شرق
رسمت حلمي ع الورق
يا قلبي يا سابح بلا شراع
من غير لقا .... ولا وداع
...... ولفين تروح ؟
وإنت يا قلبي كلك جروح
عايش زمن .. ما ف يوم صدق
رسمت حلمي ع الورق
يا بحر الحياه .. لونك غميق
بلا شاطيء .. ما تعرف صديق
والخطوة تايهة ضالة الطريق
وأمد إيدي أنجد غريق
ألاقي قلبي .. إللي غرق
رسمت حلمي ع الورق
يا حلمي .. رسمته بإيديه
وغنيته في ليلي نهار
وخليته لكوني مدار
طلع حلمي مهوش ليه
يوم رسمته ع الورق
رسمت حلمي ع الورق
