السفر شعر : هاشم صديق
السفر شعر : هاشم صديق
Folder:
هاشم صديق السفر
شعر : هاشم صديق
مِسخت شوارعِك
يا مشاوير السفر
إمتدّ في عيونّا البَحَر
الدنيا غامت في الغَرَق
وقلب الشُراع وحّ انْحَرق
وسَنّ الألم
سِن القلم
أصبح عديل يجرحنا
وينزف في الورق
.....
نفتح شبابيك السفاين
في الرحيل
كان ينعَكِس في الموج
وجيه أخوانا
في المنفى .. البلد
نلقى الخَيال
- حتى الخيال -
غاب إنسرق
ونسبح نبارز في اللصُوص
يخذلنا سيف ويبكي الدَرَق
......
أسمعنا يا وادي الغُبار
بي صوتنا ما طبل الصدى:-
تسقط قوافينا المكسّره
بالتعب
تسقط خناجرنا المرصَعه
بالدهب.
ويخسا الشِعِر لو ما إنكتب
بالوعي ومن حبر العروق
والمبدأ والنار والغضب.
