Author Information
عدّي عَ صابيعك
Folder:
أغاني
عدّي ع صابيعك
ليش حبّيتك
وان ما بيكفو
خدي صابيعي
لأنك كلما الحزن
بيفرقني عن بعضي
بلمسة دفا
بتبدي بتجميعي
وكرمال صوت الحب
ما ينطفي فيي
بتدوزني وتارو
وبتسكّتي جوعي
جوعي لكلشي حلو
دوّرت ما لقيتو
الا بقلب كبير
عشقان تلميعي
من غبرة الايام
ال غطّت على هالشوق
بس الحلا فيكي
عم يمسح دموعي
بحبك وبعرف ليش
تفصيل بعد تفصيل
بعيني أنا شفتك
بسجودي وركوعي
انك صلاة الروح
لو ختيرو الكلمات
بتبقا قلب صافي
عم يسكن ضلوعي
