Author Information
سرّ الأمومة
Folder:
أغاني
#لكل_امرأة_إنسانة
سبحان يللي راسما
من مَبْسَما ل معْصَما
ومن كحْلا حتى كاحلا
لتصير ع الأرض السما
ويا ريشتو اللي غمّسا
بالنور وشعشع هالمسا
صارت قمر .. لما طلع
اسما صبح ست النِسا
هالزارعه الصحرا ورد
هالفاتحه بواب الوعد
من بسمتا بتبدا الصلا
وبمحبتا بيعلا المجد
وشّا متل طلة صبح
ايدا بيادر من قمح
ومن خطوتا تعبّد درب
و بضحكتا مواسم فرح
سر الأمومة برحمتا
مفتاح عهد بكلمتا
بيمضا زمن بعدو زمن
وهيي الحياة قيامتا
