Author Information
لا تسألي الموجوع
Folder:
أغاني
عم تسألي الموجوع شو صابو
وليش هيك مكشّر عن نيابو
ما كان قبل شوي كيوت وزوق
معقول كان مخبّا بتيابو
لا تسأليه.. اسألي المسؤول
كيف شلّحو حتى من ترابو
وعتّم ب ليلو ضو زاكرتو
و خوّن حنينو وشقشق كتابو
خلّا صابيعو مغمّسه بالدم
بلقمه زليله وفاضيه جيابو
صبح ومسا عم يشحد حقوقو
عا باب وقفو عليه نوّابو
ما فيه عم ينطر قدر خاروف
ولا قادر يعيش بخسّة ديابو
لا تسأليني ولا تسألي المسؤول
روحي اسألي بالأصل مين جابو
او اسألي رب السما العالي
لأيمتا ساكت ما دامنا حبابو
