Author Information
سكّر على الموضوع
Folder:
أغاني
سكّرْ على الموضوع
و لا تظنّ إني ببيع
شقفه من لحمي
هادا الشعر جسمي
بروحي انطبع
وما بيقبل التطبيع
وان ما كنت
بعالي السما نجمه
شو بينفع التلميع
سكّر على الموضوع
شعري مجد اسمي
أصل الخلق كلمه
وحي وصلا ونعمه
الشعر مو مشروع
وخارج عن التشريع
وشو بحب إني ضيع
واشرد ب دغل الشعر
ما في لشعري سعر
متل الهوا والضو
وال مي بالتوزيع
لكن انا بزعل
ومتل الورد بدبل
لو قالو بغيابي
اني حكي عم بيع
