Author Information
غنى فاحش
Folder:
أغاني
#غنى_فاحش
جايي على طمعه انا
سمعت في عندك مال
تاج من عزة نفس
ومن طيبتك خلخال
وقصور وصلت للشمس
من حب ما بينطال
وناعم حرير الحسّ
وشو الناعمين قلال
وقلبك يا صيغة دهب
ما خطر يوم ببال
جايي على طمعه انا
لكن في عندي سؤال
كيف المجد كلو اجتمع
بعيشة ع قدّ الحال
ولو مهما ضاقت هالدني
بيبقا مزاجك عال
و كيف الوقت لما مرق
وهرهر عن غصونو الورق
وكلشي انعطى رجع انسرق
صوتك بقي موال؟!
