Author Information
عاشق
Folder:
أغاني
خيّال وجنونك فرس
مدري لوين رايح
عم ترمح وصوتك عرس
ناسي أسى مبارح
متل اللي قاصد هالشمس
بواب الوعد فاتح
ما همّك عيون الحرس
ال مو قادره تسامح
شاعر وتاجك من حبق
قاعد ع عرش ال مملكه
تكتب ورق تخزّق ورق
وحكم القلم كلّو حكي
ولو مهما هالقلب احترق
و غرقت مراكب بالبكي
بتبقى متل بيرق عشق
يعلا سلامو فوق نار المعركه
شفافك ورد بعدو على أمو
لو يهمسو او يسكتو عم دوب
عيونك حلم عا مهلُن انرسمو
ياما شفت بْ نورن قصص ودروب
وقلبك شهد نيال مين لمّو
شاف الدني جنّه عا بابها مكتوب
وحدو العشق باقي وعنو مافيك تتوب
