ترانيم ترانيم ترانيم
مبارح مرق تشرين
من حد باب الدار
ينده على كانون
تيوشوشو أسرار
خربش على وراقي
شوية حكي وأخبار
وبقلام تلوينو
خلاّ الليل نهار
والريح بي كمّو
عيونو هون وهون
يدوّر على أمّو
شو خاف قلبي عليه
وشو جن ليضمّو
لا تغار يا آدار
من دمعتو وهمّو
لو زاركم تشرين
ودقدق على هالباب
لا تصرّخو بوشو :
يا عمر يا كذّاب
يا مفرفط الورقات
يا مفرّق الأحباب
بيكفي سكوتو بوح
يساوي ألف كتاب
*ثناء درويش*
