Author Information
لا تحبني
Folder:
دندنة
"لا تحبني"
و فلتت كأنا مي
من بين صابيعك
و متل اللي قصدك
تجمعا و ما تودعا
بتصير تحلفلك
انها حكاية ضو
بينحس ما بينحبس
و ما قصدها يا قلب تلويعك
"لا تحبني
و دور على غيري
مو قادرة ابقى
عصفور بضلوعك
إن كان هيك الحب
يا خجلتي منو
بيدبل متل ورقة
و ما بتنفعو دموعك"
"لا تحبني
إن كان هيك الحب"
و طارت متل نسمة
ضاعت متل ما تضيع
بكتابنا الكلمة
و كل يوم عالسكيت
بترف هاك الروح
و بتشعل شموعك
2016
