مرّ الشعر جنبي
و متل ال كأنو هيك
ما بيعرفني
و بيناتنا عشرة عمر
صغيرة كنت
لما اجا
بكير يخطبني
وما قال صغيره
هالبنت
بدّها وقت
بدها عمر تاني لتكتبني
و ياما حلف
بِ بحة النايات
برنّة وتار العود
بعمرو ما يتركني
و شو غار
من اللي تغزّلو فيي
و شو جنّ من اللي
يسألو عني
وقديش ضلّ سنين
قافل ع قلبي الباب
بجنونو حابسني
مرّ الشعر جنبي
و كفّا طريقو ع الهدا
متل اللي مو شايفني
جربت اندهلو
صوتي انكسر دغري
و من قبل ما قولو
اسمو وقع مني
تاري الشعر ما كان
إلا سطر ع الميّ
وآهات بتغنّي
لا تزعلي
راجع أنا
سمعتو عم يقلي
رح مرّ
عَ مرج الزهر
وجبلك معي طوق البنفسج
هاللي بتتمنّي