Author Information
لسه منسأل؟!
Folder:
أغاني
لسه منسأل فينا شو تغيّر
كيف هيك صرنا أجمل و أكتر
شو صار حتى فصولنا نيسان
ورّق يباس عروقنا و زهّر
مين اللي خلّى ال مرّ يتحلّى
و لا باب ضلّ بوشّنا مسكّر
واللي انكتب ع جبينّا من دهر
سورة عشق سبحان مين صوّر
منقرا حروفا بيسكتو الكلمات
يتوه العقل مهما عِلي وفكّر
الدهشه يا بنت الحبّ شو سرّك
بتبقي صغيره مهما الهوى يكبر
متل الكأنك مسبحة هالعشق
آهات.. ورا آهات.. عم تسكر
بينطفي القنديل بآخرة هالليل
وشمسك يا روحي هالدني تنوّر
