Author Information
لا تخبّي صابيعك
Folder:
أغاني
لا تخبّي صابيعك
خوف وزعل مقهور
بعتمة جيابك
ما في حدا شافُن
الا تمنّى يكون
صفحات بكتابك
هَوْدي مش صابيع
هَوْدي شموع النور
والقلب محرابك
يلله اكتبي هالكون
بحرفين كاف ونون
رح ينفتح بابك
شوفي الدني لما
ال صابيع كتبو شعر
كيف لبست تيابك
وضحكت شفاف القلب
وصار المدى اوسع
وكيف زهّر ترابك
رح بوِّس ال صابيع
ل يرفّو عطر ولون
يحمدو ال جابك
عا هالدني نعمه
عا هالدني كلمه
بعيون أحبابك
