Author Information
الشام العتيقة
Folder:
أغاني
#أغاني
بالشام العتيقه تواعدنا نتلاقى
قلّي انا بحبّك قلتلو مشتاقه
قعدنا حدّ البحره والنانرج يفيّي
ريحة الياسمين عم بتهفّ عليي
كيف حسّيت السما فتحت النا طاقه
بالشام العتيقه كانت أوّل مرّه
يلمس فيها ايدي ويغمرني بالنظره
ياما حلمنا سنين نتلاقا لو صدفه
وياخدنا الحنين ل بحر ال مالو ضفه
وتكتبنا وتمحينا هالدنيا ع وراقا
مشينا بالحارات اللي بيوتا حكايات
شو شافت عشاق وسمعت غنيّات
في ريحة غريبة من الماضي بتهلّ
بتسرقنا تودّينا مدري لأي محلّ
وترجعنا صغار لسنين البراءه
يا الشام العتيقه لا تنسي الزوّار
حفرو اساميهن ع كعب الحجار
وضلي النا الذكرى الحلوه بهالأيام
لو قسيت الدنيا ونسيتنا الأحلام
عمرا أرض الشام ما بتنسا عشّاقا
