Author Information
مر الهوى
Folder:
أغاني
مرّ الهوى جنبي
ومتل ال كأنو هيك
ما بيعرفني
و بيناتنا عشرة عمر
صغيرة كنت
لما اجا بكير ياخدني
ما قال صغيره هالبنت
بدّها وقت
بدها عمر تاني لتعرفني
وياما حلفلي ببحة النايات
بعمرو ما يتركني
و شو غار
من اللي تغزلو فيي
و شو جنّ من اللي
يسألو عني
وقديش ضلّ سنين
قافل ع قلبي الباب
بجنونو حابسني
مرّ الهوى جنبي
و كفّا طريقو عالهدا
متل اللي مو شايفني
جربت اندهلو
صوتي انكسر دغري
ومن قبل ما قولو
اسمو وقع مني
تاري الهوى ما كان
إلّا سطر ع الميّ
وآهات بتغنّي
