Author Information
من شو خايف
Folder:
أغاني
من شو خايف.. منّك عارف
من بكرا ال ع قهرك حالف
من الدمّ ال بيضلّو نازف
من الحبّ ال آخرتو شايف
ولّا من زهر بيضحكلك
مخبّا بضهرو الجوّ العاصف
كيف تربّى الخوف بقلبك
حتى أمنك منّك سلبك
أشباحو وقفت ع دربك
وما بتسترجي أنو تخالف
مين ال طعما الخوف بإيدو
مين ال قلّو انو سيدو
صار الخوف جنودو يزيدو
سيّاف وع نبضك واقف
لما قالو عنك فاشل
لما قالو حاجه تحاول
لما سمّو حقّك باطل
ولما قبلت الخبز الناشف
خلّا خوفك غول كبير
قيّد كل خطوه بجنزير
هلّق صار وقت التغيير
جرّب مرّه انو تجازف
