Author Information
اهدا وروق
Folder:
أغاني
#أغاني
اهدا وروق اعمل معروف
كلنا في الدنيا دي ضيوف
و ما فيش همّ أكيد ح يدوم
و لا شمس بتفضل ف كسوف
ناس بتداري الحزن بضحكه
ناس مش لاقيه ف جيبها الفكّه
ما بتيأسشي الربّ كريم
لو تاهت خطاويها ف سكّه
اللازمة
بتزعل ليه.. اضربها طناش
وما تفكرشي كتير في الجاي
يا بخت اللي ف يومو عاش
وشاف العتمه وراها ضَيْ
ايه يعني صُحابك سابوك
ايه يعني خانوك أو باعوك
كنت معاهم بكل حالاتهم
وكانو معاك لما احتاجوك
مهما ح يجري معاك أو يحصل
الحب الغالي العالي بتفضل
ايد ممدوده لفعل الخير
وعين مش شايفه الا الاجمل
اللازمة
بتزعل ليه.. اضربها طناش
وما تفكرشي كتير في الجاي
يا بخت اللي ف يومو عاش
وشاف العتمه وراها ضَيْ
حاسب لو ح يقولو فاشل
تِبطّل كلّ مرّه تحاول
وتصدّق انك مش نافع
ورّيهم ازاي ح تواصل
بصّ الكلمه الحلوه رسول
من القلب للقلب دليل
ياما بتجبر بيها الخاطر
وياما تداوي جريح وعليل
