PostPoems Be Artistic. Be Creative. Be Inspired!

#أغاني

بين الدمعه اللي عم تضحك

و بين الضحكه اللي عم تبكي

عم أمشي وحدي بطريقي

ساكت و عيوني عم تحكي

عم دوّر بوجوه الناس

عن روحي عن نصي التاني

لتكون مراية احساس

وتبقى بيتي مع عنواني

برجع وحدي فاضي الكاس

و مليان القلب بأحزاني

وينك انتي شو طوّلتي

ياما نطرتك و شو ناديت

ليش هالقدّ عني بعدتي

جنة احلامي تمنّيت

ما لقيتك من حلمي ضعتي

عايش مع كلمة يا ريت

***

رح ابقا ناطر شي صدفه

بلكي تحنّ عليي سنيني

واستنّا ع بواب اللهفه

تشوفك بعد الغيبه عيوني

يا الشوق ال عشتو بيكفّي

يا جنة حبّي يا جنوني