PostPoems Be Artistic. Be Creative. Be Inspired!

قلبى حبك يالى فى عينك السكات
محتاجة لك
يا حضن باحلم يضمنى ف البيات
بردانه إيدى لمنى من ساعات الآهات
ولا تخاف
حبى حبك
نايىِ لحنك
دمعى حزنك
قرب هنا تضمنا
الف آهة وأغنيات
حبيت انا
عشقت فى عنيك الحزينة
حتى طعم السكات
ومرارة الأمنيات
والحلم اللى فات
لكن لا تحزن
لا تدمع
لا تقول ما ف يوم حبيت
قول هويت
قول حبتنى ف يوم جنية
لها قلبى رق
وحب بحق
ومعاها حس يعنى ايه انه يتعشق
وسهم كيوبيد ف قلبه يترشق
ويتشال مشال الأمير
ويأمر حتى قلبها انه يدق
انه يعيش من غير قلق
ها يا أمير
لسه لو سألوك
هو قلبك فى مرة حب؟
حتجاوب ان حِبى لسه ما إنخلق؟!!!!!