Author Information
موال مصرى فلسطينى
Folder:
الشاعر/احمد فؤاد نجم يامه مويل الهوى
يامه مويليا
طعن الخناجر ولا
حكم الخسيس فيا
الصبر حلم العواجز
يطرح زهور الأمانى
والقهر عدى الحواجز
وأنا اللى واقف مكانى
شايف غيطان البشاير
خايف وكانن اديا
حتى الحمام اللى طاير
مارضيش يرفف عليا
يامه مويل الهوى
يامه مويليا
طعن الخناجر ولا
حكم الخسيس فيا
سألت شيخ الطريقه
مارضيش يجاوب سؤالى
ودارى عنى الحقيقه
وفاتنى حاير ف حالى
سألت شيخ الأطبا
دوا الجراح اللى بيا
نظر لى
نظرة محبه
وقال دوايا باديا
يامه مويل الهوى
يامه مويليا
طعن الخناجر ولا
حكم الخسيس فيا
يامصر
وانتى الحبيبه
وانتى اغترابى وشقايا
وانتى الجراح الرهيبه
وانتى اللى عندك دوايا
علمنى حبك عباره
سهله
وبسيطه
وعفيه
شرط المحبه الجساره
شرع القلوب الوفيه
يامه مويل
الهوى يامه مويليا
طعن الخناجر
ولا
حكم الخسيس فيا
Well i'm sure it's a good poem if i could read it