Author Information
دخول حى على ميت فجأه
Folder:
دخول حى على ميت فجأة من اول ما تخطى برجلك
عتبة باب البيت تتفاجىء
بدهان الحيط النازل يركع
على ارضية بيت الرعب
فتتاخد
وتحس برعشه غريبه
ويتهز النور من خوفك
وهيكل واحد قاعد على مكتب
وبيكتب ف قصايد
بيقولك ما تخافش
انا لى زمان مستنى قدومك
ويشاور على كرسى فتقعد
فوق اعصابك
مستغرب انه بيشبه ليك
وبيكتب نفس الشطر اللى
انت بتكتب فيه
فتخاف
واما يبص عليك ويقولك
ان عناكب سقف البيت انتحرت
لما ناموس الناحيه اتغرب
تتطمن اكمنه
بيردد ليك ف كلامك
وتبدأ تتناقش وياه ف مسائل
كانت صعبه عليك
الرؤيه
النص
الشكل
ووقت ما بتفتح وياه ف مواضيع
كليوباترا المرسومه على العلبه
بتبص عليكم باستغراب
حتى المكتب
غمض كل ادراجه وراح فى النوم
لما دخلت بروحك جوه الهيكل
القاعد على مكتب
وبيكتب ف قصايد
الصديق الشاعر المبدع/سيد عباس
قصيدة رائعة
وحزن عميق
انه حالة عامة تنتابنا
لعلنا التقينا من قبل لا اعرف لكن هناك تقارب فى الروح
سلاسة قصيدتك
وبساطتها
وتوالى الصور الشعرية وعدم اغتراب لغتك عن البئة المصرية
والمسيقى المنبسطة كلها اشياء فى ميزان القصيدة فى
الدنيا
والاخرة ان شاء الله
محمود الازهرى
مصر- قنا
ma2darsh a2ool 3'eer gameel