Author Information
يا جامعتي
يا جامعتـــي
شعر:مريم العموري
يا جامعــتي.. يا شامهْ بخدِّ بْلادي
حُبِّكْ يا عينْ...ساكِنْ روحي وفؤادي
ولوما أهلي الْـ.. بِستّنوا بالشهـادِه
لَبْقـى واللهْ... فيكي سنتين زيـادِة
٭٭٭
يا هندســة.. يا عمـارة ومدنيّة
تولّع قــلبي.. فيكِ يا الصنـاعيّة
وبالميكانيكا..وبْزنود الكيمــاوية
نْعَلِّي البنيـانُ وبْنصنع فخرُ وأمجـادِ
٭٭٭
ويَمِّ العُـروبة.. يا آداب المغـوارة
لغـهْ وجغرفيهْ.. والصحـافة مَنَارة
بأحــلى تاريخ.. إتباهي يا نوّارة
إنتي الجمـال.. وعَناوين الرِّيـادِه
٭٭٭
وهذا التمريض.. يعطيك الله العـوافي
من لمسِة إيدِ.. تشفى بسم الله الشـافي
وشو ما بقـول.. قولي فيكم مش كافي
ملايك رحمـهْ وتسلمــلي هالأيادي
٭٭٭
وللصيـدله روحـي يا روحي روحي
وحبِّة دوا.. أعطيني وتِبرى جروحـي
ومثلك يا طب.. عمرا ما حبّت روحي
في المستشفى... حيّيكــم والعِيـاده
٭٭٭
من عـلم النفـس.. للرياضه البدنيّة
العقـل السليم.. في الأجسـام القوية
بالإجتمـاع... وآساليب التــرْبِيّه
بنصنع أجيـال.. وبنطلّع أفهم سادِه
٭٭٭
يا بيطرة.. داوي الخيــل الأبيّـة
لولاكي كـان.. ما حكمنـا البريّة
وخضرة يا بلادي.. رحْ بتْظَلِّي بهيّة
بْفضلِ الزراعة.. جمالك فوق العادي
٭٭٭
حيّـي الحاسـوب.. أبو التكنولوجِيِّة
مـع لِقتصـاد .. الإدارة والمـالـّية
معهـا التسويقْ.. والعلوم السياسيـة
واحسِب ي مْحاسب..الله يديم الودادِ
٭٭٭
كيمِيا وفِزياء.. وإحصاءُ ورِياضِيّاتْ
معهم أحيـاء.. وتحاليل وبصريّـاتْ
باقِـة زهور.. بهديهم والتحيــاتْ
تحيـى العلوم.. رَدِّدْ هيهْ يا المُنـادي
٭٭٭
محلى الأنغـام.. والفنـون الجميـلة
سحرت قلبي.. يا هالنسمـة العليلة
بريشـة فنّان.. وبالألحان الأصيـلة
ميلي يا دنيا.. وملّي عمـري سعادِة
٭٭٭
أسمـى العلوم.. إنتي يا شــريعتنا
فقه وأصُـول.. تْنوّرْ ظُلْمـة دُنيتنا
وصوت القانون.. عالي بينصف أمّتنا
بالحق العادل.. ينصرنا علّي يعـادي
٭٭٭
فلسطينيّة.. يا شموخـك عالي عالي
رغم المحتل.. صمودك مضرب أمثالِ
جيناك فْـواج.. يا عنوان البسـالة
إرفعي راسك.. خرّجتي أروع قـادِه
