PostPoems Be Artistic. Be Creative. Be Inspired!

طاقْ طاقْ طاقيّـة... لَـوّح عَلَــم الحُــريّة
بيد زغارِك يَ فلسـْطين... من حيفــا لَطبَريّة

طاق طاق حِلْمِ ايدورْ... في السّما متلِ العَصفورْ
بِيدوِّر عَ عْشاشِ النورْ... لَيُحطِّلنا هـــديّة

طاق طاق يا عــالم... تارِكنـا وسْطِ الآلَـمْ
بتتفرّج متل الصنَــم... ما عندك إنسـانيّة؟
  
طاق طاق في بلادي... مَ طْيَبْ ميّـات الوادي
يلله غني يا شادي... معنا أحلــى غنيّــة

طاق طاق  يا بطــل... يا عالي مِتــْـل الجبل
فِ عيونك لمعِةْ أمـــل...لَلطفــولة المنسيّة

طاق طاق يا سـلام... إحنا حفادَك يا قسّــامْ
نمشي عا درب الإسـلام... ومعنـا ربّ البَـريّة

طاق طاق بالإيمــانْ... حنحرر كل الأوطان
ونُوقف في وجه العدوانْ... وقفة حـرّة وقويّه

طاق طاق مهما يطولْ... ليل الظالم بُكرة يزولْ
ويزَهِّرْ مَرْجَـكْ أيلولْ... عـلى ضَوِّ الفجـريّة