PostPoems Be Artistic. Be Creative. Be Inspired!

وِفْ مرّهْ بْليله شتْويّه
كنا انغنّي يا أحباب
نضحك نحكي حزيريّه
والبابا يردّ الجواب
وقّفنا بلحظه الغنيّه
لمّا بقسوه دقوا الباب
خِفتْ وقلتللو خبيني
بجناحاتك آآآ دفـّيني

كسروا الباب ودخلوا العسكر
وبعينيهن موت وأكتر
شدوا البابا.. سحبوا بابا
وضليت بحضنك يا بابا

لكنهم عنك بعدوني
وع الأرض البردانة رموني
راحوا بعيد ..أخدوا بابا
وعيوني تبكي عالبابا
بابا بابا وينك بابا

جريت عليهن مش عرفانة..
شو هادا ياللي بيلقاني.
لمحني البابا عم إجري..
حاول يسرق نظرة حدي..
وبكل الحقد اللي بعنيهن
هجموا كلن ضربوا بابا
ما قدر المسكين عليهن..
وغصبن عنه انهار البابا..
وينك بابا؟؟وينك بابا؟؟راح البابا

يا ربي هدهم يا ربي
شو بدهن سرقولي قلبي
ما عاد فيها عيني تخبي

ومن ديك الليله ما شفتك
مروا اعياد وشو اشتقتلك
بروحي بقلبي ناديتلّك
دخلك بابا ترجع دخلك

يا شمس الحريّه ضوّي
إطوي الليل وفوقو ضوّي
بيكفينا هم وغربه
روّي قلوب العطشى روّي

بعدو بابا بيتذكرني
بعدو بقلبو عم يحضنّي
بقلب العتمة شايل حزني
ريتك يا زنزانة تحني

هيدي اللعبة شو احكيتِلاّ
عن إيامو وشو بُحتلاّ
رح نيمها عا حكياتي
وفيقها عا دمعاتي

رغم الحيره رح غنّيلا
أحلى اغناني رح غنّيلا
بصوتي الهادي اشوي اشويّ: