Author Information
على دلعونة
على دلعونة وعلى دلعونة... يا شعبي الصامد تَعُوا اسمعونا
*
*
جينا من رفحْ جينا من غـزَّة
حتى نلاقيكم يا شعب العِـزَّة
إلكُـمْ في القَلِبْ والله مَعَـزّة
وللخان الغالي بترخص لعيونا
*
*
بدنا الإصلاح وبدنا الصَّلاحي
حَيَّا يا شعبي على الفــلاحِ
سهرتنا الحلـوة معكُمْ صَبَّاحي
ولمّتنـا سـوا بتسوا هالكونا
*
*
يالله معـانا الأرض بتستنّــى
نعلّيهــا ابهمّة واغلى ما عِنـّا
يحكمنا المصحف مع نور السنّة
وعهدِ القسّــامِي والله لنْصُونا
*
*
حـَلِّ القضيـة مـش بالذليَّـة
حاشانا نْضيّـعْ لو نقطـة ميَّـة
الأرِضْ إلنَـا وما هي بْعَطيَّـة
فِـدواها اجيـال وأبَدْ مَ اتهونا
*
*
سوا يا شعبي نازح مع لاجـي
للوطن نِصبَحْ أمْنـَعْ سِيَـاجِ
صوتَك معانا يعني احتجـاجِ
على الفسادُ وعلى الْ باعـونا
*
*
درب البطــولة عنُّو مَ انحيدِ
والله شــاهدنا ودمِّ الشهيدِ
وعالغاصب نبقى..ثورة ووعيدِ
حتى تعودِلْنا أرض الزيتــونا
مريم العموري
