PostPoems Be Artistic. Be Creative. Be Inspired!

سِهامٍ عالمدى تِسرَحْ

فِ قلبي تُعبُرُ وتِجرَحْ
  
وَخَبّي الآهة، تِغلِبْني

عَ خدّي دمعِتي وتِفضَحْ
  
أنا الشعبِ الفلسطيني

بَنادي عالملايينِ
  
عسى النخوه تِلَبيّني

رِجِعْ صوتي، هوا يِلفَحْ
  
***
  
أنا الشعبُ وأنا الثوّارْ

أمينٍ عالأرِضْ والدارْ
  
مَ وَطّي راسي للخاسي

لو عْطاني الذهب قِنطارْ
  
ومش مِنّي اللي يقهرني

يخون العيش ويِحرِمني
  
لَجِلْ عالبيع يِبَصّمني

يَ حيف عالشين وعالسمسارْ
  
***
  
أنا الشعب اللِّ بِتْألّمْ

مِنِ المُحتلّ وما سَلّمْ
  
أرِضْ جدّي لأحفادي

ألا سجِّلْ، ألا فاعلَمْ
  
على ذرّه، مَ رحْ ساوِمْ

يا عالم مهما بِتلاوِمْ
  
ولو وحدي، أناْ بْقاوِمْ،