Author Information
يا زريف الطول يالقلب المجنون
Folder:
زريفيات زريف الطول
يا زريف الطول ياالقلب المجنون
تْدارينا جُوّاهْ وفضحتنا لِعيون
بالَكْ لو طَنّشْنا الدنيا شو بِيكون؟
وعا مرج الهوى غَزّينا عْلامِنا
..
يا زريف الطول مَ اتْظَلّكْ مَهموم
ما فيش بْدنْيِتْنا أحوالٍ بِتْدوم
مَيِّلْ عَ شَقّتْنا نِطْعَمك حلقوم
وخَلّي الضحكة تِعلَى فوقِ شْوَاقِنا
..
يا زريف الطول.. دٍلّي يا دِلّي
وَرْجيني وخَبّيلِي.. وقُلّي ولا تْقُلّي
إيدي عا زُنّارَك.. يلّلهْ مَ اتْخلّي
دبكة في الحَوَاري تِعْتَبْ علينا
مريم العموري
للاستماع
غناء: علي مياس
