Author Information
DONKERMAN SE LIG
Duisternis in jou naam gedra
- slaap se geheime sleutels -
stuit nie hierdie kind van ra
wat weerspieël vir haar lig kom vra
Die donker dring deur alle lig
kring om verlore drome
Beskerm pyn teen blinde sig
my hart roep hoopvol na begrip
Ek kon my aan die sagte swart
oorgee: dat donker my oordek
maar so verduister ook my hart
word elke vergesig verward
Ek - sonvrou - wou van jou ontvlug
het my teen jou verset
maar Donkerman in jou gedig
ontdek ek ... suiwer Lig
