Author Information
IN TRANSITO
(altijd dit leege hart, altijd - j.c. bloem)
een-een het my dae verhuis
afskeid
is my adres
leë persele bly agter
wat die son huisves
in sy siftende soeke
deur skoon vertrekke
en oor koue mure
ook die deursigtige
voëls van stilte
speurend na stemme
o Heer u bloed bly
aan my deurkosyn
U vergiffenis suis
deur my huis
U vleuels bied skuilte
vir my geliefdes
troos nou my hart
altyd
my leë hart
