Author Information
HAIKOE: SKEPPING
dié wasige wees:
vegies deur die Veertjiekwas
van die Blou Verskiet
die vérgrys berge
kom kano hier in die meer
nader-verlange
sonsak-sonate
drie bewegings vervloei
rondo tot donker
Mendelssohn se see
volvoer 'n overture
die son toondig saam
skouspel se naspel
skemer stamel 'n grys groet
dan is dit donker
growwe swart rotse
fyn geglasuur tot ougoud
die sonsak-uur
newelvlek-feesnag
in dieper droomdimensies
ligspatsel-netwerk
kant ragfyn geklos
die son filtreer deur blare
patroonwerk teen klip
spikkels teen die hang
boomste boomtakke teken
fyn feetjie-vlerke
laag-vir-laag gegrif
versteen Leef se kleurreste
jubelkreet in klip
