Author Information
OM N NARTJIE TE SKIL
(vir Emilé met die pragtige hande)
om 'n nartjie te skil
met die vlugtigse fluite van vingers
om jou dors te les
en jou honger te stil
met die goue wyn en skywe sonskyn
om jou lippe te streel
met die teer strykstok
van 'n glimlag
om jou donker oë te troos
met iets virtuoos:
'n gedig vol brose nanag
en 'n oggend vol lig ...
en 'n swerm vertrekkende voëls
teen geel kwetter gewig
