PostPoems Be Artistic. Be Creative. Be Inspired!

Nauubos na at natutuyot

Mga bulaklak ay nangamatay

At ang lahat ng iyong binigay

Nilalamon ng araw at limot



Alalala saki’y bumabalot

Winikang iniibig subalit

Ito lamang pala’y sinusulit

Nauubos na at natutuyot



Nangandahulog mga talulot

Salitang mabulaklak lang pala

Sinambit at ‘di na naalala

Nilalamon ng araw at limot



Nauubos na at natutuyot

Unti-unti’y natatauhan rin

Nilalamon ng araw at limot