PostPoems Be Artistic. Be Creative. Be Inspired!

قصيدة كيفك يا عز الحبايب



كلمات : جمال السائح



مراجعة وتدقيق : ساره صلاح









كيفك يا عَزّ الحبايب

ابتعرف شو بحبك انا

*

كيفك يا روح الاطايب

ابتعرف شو بعزك انا

*

كيفك يا كل العجايب

ابتعرف شو بودك انا

*

كيفك يا عين الأرايب

ابتعرف شو بعشئك انا

*

....................................



من زمان لما كنا اصحاب

كنت بنطرك علباب

ومن الشبّاك ابسلّم عليك

اهدِيّي كرمال اعنيك

نحنا كنا احلى اتنين

بيشوفوا بعض كل يومين

يا عزّ الحبايب





وابيوم اطلعنا سوا

حسّيت بيك ماخدَك الهوا

ارجعت اتئلي  شو غيرانه؟

ما بدي حدا غيرك انه

واتئلي ما بدّي احب اتنين

بدي اجيب ألب تاني امنين

يا عزّ الحبايب







فكري وعئلي راح مني

وانت مكتوب ما بدّك اتودّي من رحت عني

انا ابئيت هون الوحدي



يا عزّ الحبايب





الباب بيسأل وبيتحكّى

والشباك صار بيتشّكى

فينو هالغايب ما بدّو يرجع

اشتئنالو خاف اتوجّع

انا ما فيّا بعدك اصبر

يوم عن يوم صرت بكبر

ايا عزّ الحبايب





واسنين العمر عم تمشي ّابليّاك

ولسه ابشوفك خلف الشبّاك

وكلّ ما يندء الباب بفتِكرَك واخاف

اتشوف الزمن شو عمل بيّا وتخاف

وصورتك بعدها ادّامي شو بعدك شاب

وانا اللي شعري من بعدك كلو شاب

يا عزّ الحبايب



********************



كيفك يا عَزّ الحبايب

ابتعرف شو بحبك انا

*

كيفك يا روح الاطايب

ابتعرف شو بعزك انا

*

كيفك يا كل العجايب

ابتعرف شو بودك انا

*

كيفك يا عين الأرايب

ابتعرف شو بعشئك انا



ـــــــــــــــــــــــــــــــــ